muvhigo nga Isaac Mbedzi
Kaizer Chiefs i khou toda u dzhia points tharu musi i tshi do tamba na Golden Arrows kha DSTV Premeirship namusi nga lavhuvhili nga madekwana fhala FNB stadium he nga mugivhela Chiefs yo wa mafhuri nga 0-0 na Moroka Swallows kha mutambo we wa do imiswa lwa tshifhinga nyana nge havha huna dzi phenyo.
Chiefs i khou toda u kunda kha Arrows vhunga i na dzi khaedu nnzhi vhukuma, Amakhosi i do dzhena mutamboni uyu nga vhuhali vhuhulu aa vhunga yo dovha ya bvisiwa kha Nedbank Cup nga Milford FC ire kha Motsepe Championship kha last 32.
Vhatikedzi vha Kaizer Chiefs vha khou shoniswa nga kutambele kwa thimu yavho ine yo balelwa u kunda Swallows. Golden Arrows i khou bva u kundiwa nga Sekhukhune United nga 1-0 nga lavhuraru hayani hayo. Chiefs na Arrows dzi khou siana nga points tharu hu uri Chiefs ina 26 ngeno Arrows ina 23 kha DSTC Premiership kha mitambo ya fumimalo.
Mutambo wa namusi ndi sumbandila ya Amakhosi phanda ha mutambo wa SOWETO DERBY nga mugivhela uno fhala FNB stadium hune ya do ombana na ORLANDO PIRATES nga 15H30.
Ticket dzi khou wanala nga R60 ticket pro, spar, boxrr supermarket, postnet, shell na sasol filling stations.