mafhungo nga Isaac Mbedzi
Thikhithi dza mutambo wa makhaula tshele vhukati ha Orlando Pirates na Mamelodi dzo rengiwa dza fhela nga awara dza fumimalo nga murahu ha musi dzo bvisiwa uri dzirengeswe.
Thikhithi i dzo dzo thoma u rengiswa nga awara ya vhuraru masiari nga dzi 28 Khubvumedzi 2023 dza fhela nga awara ya vhutahe nga matsheloni a la 29 khubvumedzi 2023. Makhaulatshele a ddo tambelwa luvhandeni lwa Moses Mabhida nga la sumbe Tshimedzi nga awara ya vhurathi mathabama.
Magethe a do vulwa nga awara ya vhuvhili masiari vhataleli vha humbelwa u tavhanya u swika u shavhisa u pwanyana.PSL i khou shumisana na tshipholisa tsha SAPS na dzinwe company dza tsireledzo u itela uri tsireledzo i khwathe. Vhathu vhane vha do ita vhuhwarahwara na u shumisa thikhithi dza vhufhura vha do farwa vhasengiswa khothe.
A huna thikhithi dzi no do rengiswa luvhandeni. Vhathu vhane vha toda u renga ngei vhudzuloni ha mavhaivhai vhanga kwama vha Moses Mabhida Stadium kha Musawakhe.Cele@durban.gov.za.
Mutambo u do sumbedzwa thwi kha SuperSport PSL channel na SABC SPORT.