KAIZER CHIEFS YO BVA MULOMO NGA FHUNGO LA MUKAPUTENI ITUMELENG KHUNE

mafhungo nga Isaac Mbedzi

Kaizer Chiefs yo khwathisedza uri mukaputeni wa thimu Itumeleng Khune o bvuliwa bannda na u imiswa kha tshumelo dza dzothe dza thimu.

Kha tshitathamennde tsho bvisiwaho nga lavhuna thimu yo rikha dzulo la ndatiso lo vhaho hone vhege yo fhelaho, komiti yo dzhia tsheo ya uri Khune kha vhe o bva thimuni lwa tshifhinga nyana u swika thimu i tshi do fhedzisa i li fhungo la Khune.

U ya nga tshitathamennde huna zwinwe zwine zwa kwama Khune zwine thimu i khou zwi todisisa. Thodisiso dzi kwama kushumele na vhuthihi kha thimu.

Khune u do dzhenelela mbekanyamushumo dza u tikedza u aluwa hawe nga thikhedzo ya thimu na uri Khune a ambe khaedu dzine a khou tangana nadzo musi hu tshi khou aluswa mvelele ya Kaizer Chiefs.

Thimu yo di imisela u thusa Khune kha tshifhinga i tshi. Khune ha nga vhi hone musi Kaizer Chiefs i tshi do ya Polokwane u tama na Polokwane City kha DSTV premiership nga mugivhela wa dzi 09 Peter Mokaba Stadium nga 15H30.